دار الاوبرا الكويتية

دار الاوبرا الكويتية من الاماكن السياحية الجميلة في الكويت .. فيها مطاعم و نافورة جميلة و منظر رائع يصاحبه غروب الشمس كل يوم في اجواء حلوه تقضونها خاصه اذا كان الجو حلو

لا تنسون تشربون لكم اجويهه عقب الغدا و تستمتعون في مشاهدة عروض النافورة

و في الليل تستمتعون في النافورة و عروضها الحلوه مع الالوان و الموسيقى

415 total views, 2 views today

Please follow and like us:
Follow by Email
Facebook0
LinkedIn
Instagram

في الافنيوزAsics افتتاح

تلقيت دعوة لحضور ايفنت افتتاح محل
Asics
في الافنيوز المرحلة الجديدة

تعتبر Asics
من البراندات الرياضية العالمية و تقدم احذية و لوازم رياضية ذات جودة عاليه

و ملابس رياضية تناسب الجميع

الايفنت كان جميل و مرتب و السيرفس حلو و لفت انتباهي انه من ماكي

الديجي

السفير الياباني كان حاضر و كان يجرب احدث منتجات الاحذيه

كان الايفينت برعاية هاشتاق
#Imoveme

و في نهاية الايفنت تم القاء كلمة و عرض فيديو تعريفي قصير عن جديد الشركة

شكرا على الدعوه استمتعنا جدا و بالتوفيق

 

Asics
موجودين في الافنيوز المرحلة الجديدة – بوابة 26

758 total views, 2 views today

Please follow and like us:
Follow by Email
Facebook0
LinkedIn
Instagram

Piccola Milano مطعم

الاسبوع هذا جربنا مطعم ايطالي كنوع من التغيير

مطعم

Piccola Milano

و له عدة افرع في الكويت لكن اخترنا نروح فرع المهبولة في مجمع|
Sea View

المطعم شرح و قعدته حلوه و أجواءه تشرح القلب و ألوان الديكورات مريحة

الاكل ايطالي و لذيذ .. طلبنا اطباق متنوعة ما بين المعكرونة و الباستا و البيتزا

المعكرونة اييبونها داخل خبزه و يفتحونها جدامكم و يلخطونها

البيتزا يسوونها لايف في الفرن جدامكم

الاكل لذيذ و خفيف و جدا استمتعنا في المطعم

افرعهم في الافنيوز و السي فيو في المهبولة و المارينا ويفز

انستغرامهم
@piccolamilano_kw

345 total views, no views today

Please follow and like us:
Follow by Email
Facebook0
LinkedIn
Instagram

معرض الفنان حمد الحميضان

حضرت قبل ايام معرض الفنان الكويتي الشاب حمد الحميضي و هو يعتبر من من صغار الفنانين الكويتيين الذين اقاموا معارض خارج الكويت وهو من مواليد 1999

المعرض يحمل عنوان
الماضي الى الحاضر

و أقيم المعرض في
The HUB Gallery
في منطقة شرق

و هذي جولة في المعرض مع اللوحات

اللوحات تتكلم عن حالات و اوضاع نفسيه مختلفة للانسان و ركز حمد في لوحاته على موضوع الانسان و تحولاته النفسيه

المعرض مكانه حلو و شرح و فيه كافيه للي يحب ياخذ جوله فيه

بالتوفيق حمد و شكرا بو حمد على الدعوة

363 total views, no views today

Please follow and like us:
Follow by Email
Facebook0
LinkedIn
Instagram

Arborio كافيه

Arborio كافيه

من الكافيهات اللي تقع في قلب مدينة الكويت و تحديدا في مجمع دسمان الشهير

يعتبر الكافيه من الكافيهات الهاديه و اللي تتوفر فيها القهوة بأنواعها و السويت و أيضا الاكل بأطباقه المختلفه و تحديدا الايطاليه

القعدة حلوه و أجواءها هاديه و شرحة

و بما إن كنا يايين متغدين و شباعه طلبنا شغلات نشربها مع سويت

الاجواء وايد تصلح حق قعدة هاديه سواء بروحك و معاك لابتوبك تشتغل او مع ربعك سوالف و قعده حلوه بعيدا عن الازعاج و اللويا و أيضا المكان عائلي و يصلح حق طلعه عائلية سواء للغدا او العشا او حتى الريوق

و في قعده خارجية حلوه تصلح حق الجو الحلو

Arborio كافيه

مكانهم في مجمع دسمان – مدينة الكويت

انستغرامهم

@arborio_kw

291 total views, 4 views today

Please follow and like us:
Follow by Email
Facebook0
LinkedIn
Instagram

Sunny Side Up مطعم

كانت لنا تجربة في مطعم
Sunny Side Up
الواقع في مجمع التجارية في مدينة الكويت

المطعم تلقونه اول ما تدخلون المجمع على ايدكم اليمين .. مطعم كويتي أكله ناطع و ديكوراته تشرح القلب مرتبه

الفلبينية يحليلها لابسه ثوب

ديكوراتهكم عندهم شوية فناتق الحين .. حاطين على كل طاولة اسم منطقة من مناطق الكويت و معلقين على الطوفه صور خفيفة دم حق بعض الفنانات العالميات مثل بيونسيه و شاكيرا و غيرهم و اهما باللبس الكويتي

المنيو عندهم ايباد تشوفون صور الطلبات اللي تبون تطلبونها

الاجواء حلوه و هاديه و المكان مرتب و الاكل لذيذ بس يعيبهم التاخير في الطلبات يعني قعدنا ننطر بين المقبلات و الاطباق الرئيسية وايد ، مع ان اللي يشتغلون هابين ريح و مو مقصرين معانا بس التأخير اللي مخرب

طلبنا مقبلات عبارة عن كبب مشكله و ورق عنب

و انا طلبت لي ماهيتو بارد يسرسح

و طلبت لي مجبوس لحم عن الخاطر صارلي جم يوم اتحلاه و رفيجي طلب طبق دياي و عيش مادري شنو اسمه نسيت

الدقوس على كتر يا زينه

صحونهم كاتبين عليهم جمل تونس .. فناتق

و لما تدققون في الديكور راح تلاحظون لوحات تضحك معلقينها حق فنانين مصريين قدامى مثل اسماعيل ياسين مع جمل طريفة

الفاتورة اييبونها في صندوق مبيت صغير و اسعارهم معقوله مو غاليه 

Sunny Side Up مطعم

مكانهم مجمع التجارية – الدور الارضي
مدينة الكويت

انستغرامهم
@SunnySideUpkw

372 total views, no views today

Please follow and like us:
Follow by Email
Facebook0
LinkedIn
Instagram

iPhone Xs Max | مراجعة الايفون تن اس ماكس

493 total views, 2 views today

Please follow and like us:
Follow by Email
Facebook0
LinkedIn
Instagram

Peppermint فيلم

هذا الاسبوع كانت محطتنا السينمائية مع فيلم
Peppermint

و طبعا كالعادة اختيارنا كان لسينما جراند في الحمرا

الفيلم بالنسبة لي ما عجبني وايد لكن عجب الناس ، حسيت ان اعلان الفيلم كان اقوى من الفيلم نفسه و هذي خدعه يلجئون لها المنتجين عادة علشان يشدون الجمهور و يحضرون الفيلم

يتكلم الفيلم عن انتقام ام انقتل زوجها و بنتها جدام عيونها ، القصة مكررة بس كان ممكن تكون الاحداث مشوقه اكثر

عموما الفيلم ممتع في حال ماكو شي يديد بالسينما روحو شوفوه ضيعو وقت

اعلان الفيلم

640 total views, 4 views today

Please follow and like us:
Follow by Email
Facebook0
LinkedIn
Instagram

فلاورز لاتيه كافيه

خلال وجودي في المباركية مرينا سومو و اكتشفنا الكافيهات هناك

شدني كافيه اسمه فلاورز لاتيه .. دخلنا و اكتشفناه

الكافيه اجوائه أوروبية و الديكور هادي و مريح

الديكورات مستوحاة من
vintage designs

كلها ترجع لتفاصيل أوروبية بحتة

القعدة برا حلوة و شرحة بس يبيلها جو حلو

المنيو بالايباد علشان تشوفون الطلبات على كيفكم

طلبت شاي اخضر مع النعناع و كانت طريقة تقديمه حلوه

صاحبي طلب له عشا و مدح اكلهم وايد

تقدرون تطلبون حلو و تختارونه معروضه جدامكم

تفاصيل الديكور و الموسيقى مريحة و تاخذك جو ثاني الصراحه

فلاور لاتيه مكانهم في سومو – سوق المباركية في مدينة الكويت
انستغرامهم
flower_latte

Please follow and like us:
Follow by Email
Facebook0
LinkedIn
Instagram

Health Studio مطعم

اللي مسوي دايت أصعب لحظة تمر عليه لما يصير بخاطره ياكل برا البيت بس ما يدري وين يروح

في الجابريه افتحوا قبل مدة مطعم يديد اسمه
Health Studio

المطعم متخصص بأكل الدايت و تحصلون فيه منيو منوع من الاكلات اللي تناسبكم من سندويشات و اطباق و حتى السوشي بعد

و بما إن الوضع دايت هالأيام قلت نجرب المطعم و نشوف .. أجواءه حلوه و قعدته شرحه و في قعده خارجية بعد حق الجو الحلو

طلبت لي ساندويش الحلوم مع عصير الجزء و البرتقال

صاحبي طلب له هذا طبق سلايدر الدجاج مع شوية بطاط

اكلهم حلو و ناطع و لذيذ انصح فيه اللي مسوين دايت او يدورون اكل خفيف ما يبون يثقلون

هيلث ستديو مكانهم الجابريه قطعه 3 أ ورا ماكدونالدز

انستغرامهم

healthstudiokw

Please follow and like us:
Follow by Email
Facebook0
LinkedIn
Instagram