مطعم تسيورة

من المطاعم الكويتية المميزة في الكويت مطعم

تسيورة

موقعه المميز على شاطئ الخليج العربي و قربه من ابراج الكويت يعطيكم احساس انكم في قلب الكويت ، الديكورات التراثيه المميزه و الاطلاله على البحر مع الموسيقى الكويتية الشعبيه اللي تسمعونها تحسون بحميميه جميله مع الماضي الاصيل

الاكل طيب و ناطع و الطلبات عندهم منوعه بين الاكلات الكويتية و ايضا اللبنانيه

انصح اللي يحب الاكل الكويتي يجرب المطعم بأكلاته الحلوه و اجواءه و قعدته المتميزه

أنستغرامهم

tassyourakw

 

رجعنا لكم من جديد

بعد انقطاع خارج عن إرادتي .. عدت لكم من جديد .. و عادت المدونة .. و للأسف

راحت كل المواضيع و البوستات القديمة اللي كنت منزلها .. بعض المواضيع موجوده عندي في الارشيف و بعضها راح حسافه عليهم .. لكن ان شاء الله بتستمر المدونه مثل قبل و أحسن و بحط لكم كل المواضيع اللي تهمكم و اللي تثير اهتمامي ايضا .. طلعات .. مطاعم .. اماكن .. افلام سينما و مسلسلات امريكية و غيرها ..

و نقول بسم الله الرحمن الرحيم .. و إن شاء الله تكون عودة خير

تواصلكم يشرفني و تعليقاتكم على المواضيع تهمني و يا هلا فيكم

عزيز